Mbështesim talentin: Orion, sponsor gjeneral i koncertit të Ermal Metës
Si një kompani e cila prej 20 vitesh në treg është e angazhuar maksimalisht që të jetë në shërbim të njerëzve, Orion ishte një nga sponsorat gjeneralë të cilët bënë të mundur realizimin e koncertit që riktheu Ermal Metën në Tiranë.
Koncerti i mbajtur në stadiumin Air Albania të premten (17 shtator), me masa sigurie anti-Covid, shënoi një tjetër aktivitet të Orion në kuadër të përgjegjësisë sonë ndaj komunitetit, dëshirës për të kontribuar vazhdimisht në organizime kulturore, si pjesë e bashkëpunimeve me institucione të rëndësishme si Ambasada Italiane, Bashkia Tiranë etj.
2 orët e koncertit – të cilat këngëtari i përshkroi si “të paimagjinueshme” – ku të pranishmit kërcyen dhe kënduan nën ritmet e këngëve të njohura të Metës, ndonëse me maska dhe duke respektuar distancën sociale, tregojnë se pavarësisht pandemisë dhe gjithë kufizimeve që vijnë bashkë me të, vizioni i Orion për të kontribuar në komunitet edhe përtej sektorit të ndërtimit mbetet po i njëjtë.
Për Orion, si një kompani e përbërë nga njerëz në shërbim të njerëzve, është tepër e rëndësishme mbështetja e figurave si Ermal Meta dhe shumë të tjerë, të cilët frymëzojnë me historinë, talentin dhe suksesin e tyre.
